கொஞ்சம் சிரியுங்க பாஸ்! பகுதி 21
- ஆடிக்காத்துலே அம்மியே நகரும்ன்ற பழமொழியை இன்னிக்கு உண்மையானதை பார்த்தேன்!
எப்படி?
ஆடித்தள்ளுபடியிலே கிடைக்குதுன்னு பழைய மிக்சியை மாத்தி புது மிக்சி வாங்கி வந்திருக்காளே என் மனைவி!
- தலைவர் ஏன் திடீர்னு புதுக்கட்சி துவக்கணும்னு ஆசைப்படறார்?
கோஷ்டிகானம் ரசிக்கலையாம்! தனி ஆவர்த்தனம் பண்ணிப்பார்க்கலாம்னு யோசிக்கிறார்!
- உங்க பெரிய பையனை உதவாக்கறை உதவாக்கறைன்னு திட்டிக்கிட்டு இருப்பியே இப்ப என்ன செய்யறான்?
டாய்லெட் கிளினர் வித்துக்கிட்டு இருக்கான்!
- அந்த பேச்சாளரை ஏன் கைது செய்து அழைச்சிக்கிட்டு போறாங்க?
அவர் பெரிய பிரச்சார பீரங்கியாச்சே! பீரங்கி ஊழல்ல கைது பண்ணியிருக்காங்க!
- தலைவர் பழசை இன்னும் மறக்கலைன்னு எப்படிச்சொல்றே?
கட்சி ஆபிஸோட பூட்டை ஹேர்பின் கொண்டு திறக்கறதை வச்சுத்தான்!
- பையனுக்கு எந்த கெட்டபழக்கமும் இல்லேன்னு சொல்றீங்க அப்புறம் ஏன் கல்யாணத்தை நிறுத்திட்டீங்க!
தினமும் நைட்ல ஒரு லிட்டர் பால் குடிச்சுத்தான் தூங்குவாராமே!
- அவர் போலி டாக்டர்னு எப்படிச் சொல்றே?
வயிறெல்லாம் புண்ணா இருக்கு டாக்டர்னு சொன்னா ஒரு களிம்பைக் கொடுத்து இத தடவுங்க சரியாயிரும்னு சொல்றாரே!
- அந்த ஆஸ்பத்திரியிலே அட்மிட் ஆனா ஒரு வாரத்துல கிட்னி கல்லை கரைச்சிருவாங்கன்னு சொன்னாங்க…
கரைச்சிட்டாங்களா?
கரைச்சிட்டாங்க என்னோட பேங்க் பேலன்ஸையும்!
- இளவரசி காதல் வலையில் சிக்கிவிட்டாள் மன்னா!
அப்படியானால் விலையில்லாமல் ஒரு கல்யாணம் நடத்திவிடலாம் என்று சொல்லுங்கள்!
- மன்னர் போர்க்களத்தில் நிற்காமல் சுழன்று சுழன்று சூறாவளியாக பாய்ந்தாராமே!
பின்னே எதிரியின் வாள்வீச்சில் தப்பிக்கவேண்டுமானால்
சும்மாவா?
- வீட்ல இருக்கிற எல்லா பொருளையும் பத்திரப்படுத்தி வைச்சிருக்கிறதா சொல்றாரே உங்க வீட்டுக்காரர் எங்க வைச்சிருக்கார்?
அடகுக் கடையிலதான்!
.jpg)
- உன்னைக் கல்யாணம் பண்றதுக்கு முன்னாடி வாழ்க்கையிலே நிறைய கஷ்டப்பட்டு இருக்கேன்…
இப்போ…
மொத்த கஷ்டத்தையும் உன்கிட்டேயே அனுபவிக்கிறேன்!
- வாழ்க்கையிலே இன்பமும் துன்பமும் மாறிமாறி வரும்னு சொல்றது உண்மைதான்!
எப்படிச்சொல்றே?
நாளையில் இருந்து நீ என் கூட வண்டியிலே வரேன்னு சொல்றியே!
- எல்.ஐ.சி ஏஜெண்ட்டுக்கு பொண்ணைக் கொடுத்தது தப்பா போச்சா? ஏன்?
மாசாமாசம் பிரிமீயம் கேட்டு வீட்டுக்கு வந்துடறாரு!
- எப்பவும் பக்கத்துப் பையனை பார்த்து காப்பி அடிப்பானே ரமேஷ் இப்ப என்ன பண்ணிக்கிட்டு இருக்கான்?
சினிமா டைரக்டரா இருக்கான்!
- அந்த ஆபிஸ்ல லஞ்சம் தலைவிரிச்சு ஆடுதாமே!
ஆமாம்! லஞ்சம் வாங்குறவங்க எல்லாருமே லூஸ் ஹேர்ல தான் இருப்பாங்க!
- ராணியார் ஏன் கோபமாக இருக்கிறார்?
மன்னர் பேஸ்புக்கில் பேக் ஐடியில் பெண்களோடு கடலை போடுவது அவருக்குத் தெரிந்துவிட்டது!
- எல்லாத்துக்கும் ஒரு கொடுப்பினை வேணும்னு ஏன் டாக்டர் புலம்பறார்?
இவர் ஆபரேஷன் பண்றதுக்கு முன்னாடியே பேஷண்ட் செத்துப் போயிட்டாராம்!
- அன்பே! இன்னும் எத்தனை நாளைக்குத்தான் இப்படியே இந்த கடற்கரையும் சுண்டலுமாகவே கழிப்பது?
வேண்டுமானால் நாளையில் இருந்து வேறபீச்சுக்கு கூட்டிச்சென்று வேற சுண்டல் வாங்கித் தரேன்!
- வேலைக்காரிக்கிட்ட பாசமா இருக்கிறார்னு வீட்டுக்காரரை ஏன் கோபிச்சுக்கிறே?
அப்புறம் வேலைக்காரி மாசமாயிட்டா என்ன பண்றது!
தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!